Манчестер Сити оствари рекорден профит од 712.8 милиони фунти

Откако минатата сезона ја освои својата прва „тројна круна“, Манчестер Сити објави денеска дека минатата сезона била фантастична и на финансиски план остварувајќи рекорден профит.

Клубот, кој е во мнозинска сопственост на шеикот Мансур од август 2008 година, остварил приход од 712.8 милиони фунти заклучно со јули 2023, што е зголемување за 99.8 милиони фунти во однос на претходната сезона, со рекордна нето добивка од 80.4 милиони фунти.

„Во сезоната 2022/23 Манчестер Сити досегна нови височини и постави нови мерила. Накратко речено, минатата сезона Манчестер Сити забележа најдобра фудбалска и комерцијална година во својата легендарна историја“, изјави претседателот на „граѓаните“, Калдун Ал Мубарак.

Сити забележал раст во однос на претходната година во приходите од реклами, приходи на денот на натпреварите и од телевизиските права.