Марче „шеф“ и во следната сезона во КК Гостивар

КК Гостивар започнува да се подготвува за сезоната што претстои. Клубот вечерва ја официјализира соработката со досегашниот тренер на „бело-сините“, Марјан Србиноски.

„Марче со нас е три години имаме голема доверба во него и сакаме да ги известиме нашите навивачи дека ја продолжуваме соработката со Србиноски како шеф на стручниот штаб. Во периодот што следи ќе ги најавиме и плановите за следната сезона“, велат од КК Гостивар.

И Србиноски е задоволен од продолжената соработка. „Гостивар заслужува да има квалитетна кошарка, се надевам заедно со управата на клубот ќе продолжиме да ја радуваме нашата публика и во новата сезона. Минатата се прекина во најинтересниот момент, очекувам во следната да продолжиме каде застанавме“, изјави Србиноски за Gostivarpress.mk.