Марија и Марко ви ги читаат вестите на Gostivarpress.mk

Драги читатели, задоволство ни е да ве информираме дека нашиот медиум почна со емитување на аудио верзија на нашите вести. Од сега, сите вести и информации на Gostivarpress.mk, можете и да ги слушате и тоа со само еден клик на било кој паметен уред.

Зошто се одлучивме да го воведеме овој новитет?

Факт е дека живееме во ера на смарт уреди и интернет, која истовремено е динамична и бурна и луѓето имаат се помалку време за традиционално следење на вести. Со воведувањето на „говорни вести“ публиката има можност да ги следи медиумските содржини во која било ситуација (додека возите автомобил, велосипед, по улица, во јавен превоз, додека пазарувата или вршите други домашни работи, без да ја менувате вашата рутина…) што ја прави оваа мултитаскинг идеја модерна и во тек со потребите на денешниот свет.

Исто така, можноста да се слушаат вестите го олеснува пристапот до вестите за луѓето со проблеми со видот и останатите ранливи категории како постари лица, лица со дислексија итн., овозможувајќи поголема инклузивност и пристапност до информациите за различните кориснички групи.

Како медиумска организација секогаш работиме кон подобрување на услугите за вас, нашите читатели, со што сакаме да дадеме свој придонес во подигнување на професионалните новинарски и медиумски стандарди. Така ќе продолжиме и во иднина. Ви благодариме на довербата и поддршката.

Вестите на Gostivarpress.mk за вас ги читаат Марија и Марко.

(За да пристапите до аудио верзијата на нашите вести, само треба да ја отворите веста која ве интересира и да кликнете на копчето за старт)

Продолжува…