Вести
Маскирани разбојници ограбиле казино и куќа
Казино во Гостивар и куќа во селото Галате, вчеравечер станале мета на маскирани разбојници.
Кражбата во казиното на улицата „Борче Јовановски“ ја пријавил вработен во 23 часот, а се случила час и половина пред тоа. Ја извршиле три непознати маскирани лица. Тие најпрво се искачиле на покривот од постар објект во непосредна близина и преку отворениот прозорец од казиното, влегле внатре. Според информациите од полицијата, внатре насилно ја отвориле алуминиумската врата од менаџерската канцеларија каде имало два метални сефа. Сефовите ги отвориле со клучеви кои биле оставени на бирото и одзеле еден милион и 750 илјади денари. Потоа со пленот побегнале.
Втората кражба е регистрирана во Галате околу 21 часот и 20 минути, во куќа на 70-годишен жител на селото.
Засега непознат, маскиран разбојник, насилно ја отворил двокрилната дрвена врата во приземјето на куќата, влегол внатре и целосно ги пребарал сите простории. Од дрвена кутија во плакар во спалната одзел околу 6000 денари. Пред вратата го затекнал сопственикот на куќата и за да избега го удрил со метална шипка по главата, нанесувајќи му телесни повреди.
Од СВР Тетово, соопштуваат дека и во двата случаи е извршен увид и се работи на расветлување на случаите и откривање на сторителите.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk