Спорт
Математики, анализи, теории – Последно коло: КК Гостивар – ТФТ Скопје од 17 часот
Полека, но дефинитивно, привршува регуларниот дел од натпреварувањето во Првата македонска кошаркарска лига – мажи. Денеска и утре се играат преостанатите 4 дуели со кои ќе се комплетира последното 22. коло по што ќе се одреди конечниот распоред на табелата, односно ќе се формираат двојките за завршниот топ 8 плеј-оф.
КК Гостивар – ТФТ Скопје, Пелистер – Работнички, Вардар – Куманово и Црн Дрим – МЗТ Скопје се последните 4 натпревари сезонава од регуларниот дел.
КК Гостивар во Младост денеска ја пречекува екипата на ТФТ Скопје. Гостиварци со 33 бодови се наоѓаат на 5. позиција, исто колку што имаат и Куманово, ТФТ Скопје и Навико ФМП. За да ја задржат оваа позиција „бело-сините“ треба да го добијат денешениот дуел со ТФТ и тоа со што е можно поголема кош разлика. Во борбата за 5. позиција со екипата на Куманово, Гостивар е во моментална предност, поради подобрата кош разлика од +16 поени, имајќи во предвид дека кумановци последниот натпревар го играат со Вардар, таа разлика и не е недостижна.
И ТФТ Скопје не е без шанси за повисок пласман, со евентуална победа денеска над Гостивар може да се искачи и на 5. позиција.
Натпреварот КК Гостивар – ТФТ Скопје започнува од 17 часот, пред почетокот на натпреварот ќе објавиме линк на кој ќе може да се следи дуелот.
Многу калкулации има и во горниот дел од табелата, се додека не се заврши и последното коло, тешко е да се направи проценка како би изгледал конечениот распоред. Но, да се обидеме теоретски да ги објасниме сите комбинации. Во директниот дуел помеѓу Пелистер и Работнички, во случај победа на Работнички со +25 поени разлика, „центарци“ ќе завршат на првата позиција, во спротивно Пелистер ќе биде прв, Работнички втор, МЗТ Скопје (со претпоставка дека ќе ја совлада екипата на Црн Дрим) би биле трети, а Еуроникел ќе заврши на 4. позиција. КК Гостивар (со претпоставка дека ќе ја совлада екипата на ТФТ Скопје) ја задржуваат 5. позиција, Куманово (ако победи КК Гостивар и со победа и со пораз) се на 6. позиција, ТФТ Скопје седми, Навико ФМП на 8. позиција. Плејофот ќе продолжи во систем: 1-8, 2-7, 3-6, 4-5.
Како и да е, вистинските возбудувањата во македонската кошарка се пред нас. Денеска и утре ќе се прават математики, анализи, пресметки за конечен распоред на табелата. Веќе нареден викенд на 14 мај започнува завршницата во КУП натпреварувањето, за недела потоа започне и финалната борба за Шампион на Македонија во сезоната 2020/2021.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар