Вести
Маврово: Кој има викендица, ќе плаќа за чистење на снег
Сопственици на викендици во Маврово се жалат дека мора да плаќаат посебен надоместок за чистење на снег. Во фактурите за првите три месеци од годинава, кои ги добиле од Јавното комунално претпријатие, покрај вообичаените пресметки за вода и ѓубре, додадена е нова: за чистење на снег, во износ од 600 денари. Сопствениците реагираат на воведувањето на новиот надоместок и сметаат дека не треба да им се наплаќа дополнително, за нешто што е обврска на локалните власти.
Тие со нас ги споделија фактурите, на кои се гледа дека освен за смет и потрошена вода, задолжени се да платат 600 денари, плус 30 ден. ДДВ за чистење на снегот. „Непријатно се изненадивме кога ги добивме сметките. Моето семејство со децении има викендица во Маврово и до сега немало вакво нешто.“, се пожалија сопственици на викендица од Гостивар.
Одлуката за утврдување на цената била изгласана на седница на Советот, неколку дена пред новата година. Од општината Маврово Ростуше и комуналното претријатие велат дека самите сопственици на викендиците, барале да се воведе таква услуга. „Сопствениците на викенд куќички долги години бараа да се овозможи услуга за чистење на снег, а се создадоа услови кога Комуналното претпријатие доби донација од две специјални возила за таа намена. Се работи за некатегоризирани улички кои и до сега не сме ги ставале во тендер за зимско одржување, бидејќи немаме надоместок за тоа од страна на јавното претпријатие за државни патишта“, изјави градоначалникот на општина Маврово Ростуше, Мукрем Мехмеди.
Директорот на комуналното претпријатие „Маврово“, Васе Ѓорѓиевски рече дека надоместокот за чистење на снег ќе важи само за зимските месеци и ќе биде практика и наредните сезони. „Некои реагираат, не сакаат да плаќаат, но секогаш има такви примери, ни се случува да се бунат и за сметките за отпад“, рече Ѓорѓиевски.
Паушалот за отстранување на снегот важи за околу 1.050 викендици на потегот од месноста Бела Вода 2 до селото Маврово. Според пресметките, доколку сите си ги подмират фактурите, комуналното претпријатие од воведувањето на новиот надоместок ќе инкасира 630 илајди денари месечно, во месеците за кои се наплаќа.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар