Маврово Ростуше: Состојбата со ковид е надвор од контрола, бараме онлајн настава

Кризнот штаб на Општина Маврово Ростуше на последниот состанок оцени дека состојбата со коронавирусот на подрачјето е надвор од контрола и од Комисијата за заразни болести и Министерството за образование побара наставата на територијата на општината да започне онлајн.

„Според податоците со кои располага Здравствениот дом во Ростуше, во моментов состојбата со заразени е алармантна, односно состојбата не е под контрола, вирусот е распространет во сите населени места на територијата на општината. Во моментот има над 500 активни случаи, но нивната бројка е многу повисока, бидејќи многу заразени кои иако се активни не се јавуваат на преглед во почетна фаза, стои во образложението на барањето. За една мала општина, како што е Маврово и Ростуше, оваа бројка е навистина  драматична. Контактирано е со епидемиолог и истиот предложи да се побара да нема настава со физичко присуство, затоа што физичкото присуство може да ја влоши состојбата уште повеќе“, стои во образложението на Кризниот Штаб.

Штабот бара да се донесе одлука за следење на олјан настава во траење од еден месец за сите ученици од четирите основни и средното општинско училиште. „На тој начин сметаме дека ширењето на вирусот ќе биде намалено, односно состојбата може да се следи и стави под конрола од страна на здравствените работници“, оценуваат од таму.