Маж ја истепал сопругата – завршил во полиција

Случај на семејно насилство регистриран во долнореканското село Жировница.  Четириесет и седумгодишно лице ја нападнало својата сопруга, по куса вербална расправија во нивниот дом. Како што наведуваат од Секторот за внатрешни работи, мажот и жената подолго време имале нарушени брачни односи, што кулминирало вчера попладне.

Брачните партнери почнале караница, при која сопругот со нога ја удрил 33 годишната жена по главата нанесувајќи и видливи повреди на лицето и носот. Повредената, најпрво била пренесена во Здравствениот дом Ростуше, а по укажаната лекарска помош таму, била префрлена во дебарската болница.

По пријавување на случајот, насилникот бил лишен од слобода и задржан за натамошна постапка во Полициската станица Гостивар. По целосното расчистување на случајот, ќе се соочи со соодветна пријава.