Маж од Вруток се сомничи за убиство на сопругата

Секторот за внатрешни работи Тетово-Надворешна канцеларија за криминалистички работи Гостивар вчера (7 ноември) до Основното јавно обвинителство Гостивар поднесе кривична пријава против 67-годишниот П.А. од гостиварски Вруток поради основи на сомнение дека извршил убиство на неговата 55-годишна сопруга Б.А., кривично дело казниво по член 123 став 2 точка 1 и 2 од Кривичниот законик.

„Пријавениот П.А. се сомничи дека на 23-ти април годинава во периодот од 21 часот и 30 минути до 24 часот во семејниот дом во Вруток со употреба на физичка сила и остар предмет и нанел повреди на главата и телото на сопругата, по што со такси го напуштил местото и заминал во Скопје.“, информира СВР.

По осомничениот се‘ уште се трага.