Медицинарите во Гостивар даруваа крв, собрани 30-тина единици

Општинска организација на Црвен крст Гостивар во соработка co Службата за Трансфузиона Медицина Гостивар, денес организираше крводарителска акција со вработените во ЈЗУ Општа Болница “Др. Ферид Мурад”. Како што информираа од Црвениот крст во неколкучасовната акција биле собрани 30-тина единици крв.

Меѓу дарителите беше и директорот на болницата д-р Илбер Адеми.

„Дарувањето крв не познава граници и разлики, какви и да се тие, затоа што е повеќе од потребно да се даде крв за да се врати радоста, среќата и животот на оние на кои денес им треба вашата крв, ова беше причината што денеска директорот на болницата одлучи како прв човек на оваа институција да дарува крв и да биде мотиватор за другите да одговорат што повеќе на иницијативата и да спасат што повеќе животи.“, соопштија од болницата.