Поврзи се со нас

Вести Гостивар

Викендов во Маврово ќе се одржи меѓународна изложба на кучиња „ЦАЦИБ Маврово 2019“

Викендов во прекрасното Маврово, на 20 и 21 јули, на спортските терени под Бистра, ќе се одржи 12-та меѓународна ЦАЦИБ изложба на расни кучиња, 6-та по ред во Маврово „ЦАЦИБ Маврово 2019“.

Настанот е во организација на Кинелошкото друштво Скардус од Гостивар, а во соработка со Кинелошкиот сојуз на Македонија.

„Утре и во недела на изложбата ќе има повеќе од 50 раси на кучиња, ќе учествуваат излагачи од 11 земји. Годинава имаме учесник и од Хабаровск, Русија, град кој се наоѓа на Руско-Кинеската граница и учесникот и неговиот миленик ќе преминат 22.000 километри за да учествуваат на ЦАЦИБ Маврово 2019. Изложбата е организирана во два дена. Во сабота со почеток од 15.00 и во недела од 10.00 часот. Сабота после завршувањето на првиот ден од изложбата, за сите учесници организирана е забава и дружење во Гламур во Маврово,“ изјави Миле Алексоски од Скардус од Гостивар.

„ЦАЦИБ Маврово“ годинава се наоѓа и на мапата на Балканската тура 7хЦАЦИБ. Судии на годинешната изложба ќе бидат: Ненад Мариќ и Душан Пауновиќ од Р.Србија, Владо Пискај од Словачка и Мишо Костоски од Македонија.

Кинелошкото друштво Скардус од Гостивар, постои од 1996 година и е едно од најреспектабилните кинолошки друштва во државава. Со многу учества на кинолошки манифестации низ светот.

Организаторот ги повикува сите љубители на кучиња да дојдат во Маврово на дружење, забава и промоција на убавината на кучето.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!