Мерната станица во Гостивар покажува максимални вредности на загадување, дали повторно има дефект?

Од 2 часот ноќеска по полноќ, мерната станица за квалитет на воздухот во Гостивар ги покажува максималните вредности на загадување од 982 микрограми на метар кубен ПМ10 честички. Мерењата се прикажуваат за секој час, а како што може да се забележи од податоците, бројката не е воопшто променета до утрово.

Иста ситуација се случи и на 22 јануари, кога мерната станица во периодот од 2 часот по полноќ до 11 часот наутро, покажуваше максимум загадување. Тогаш Министерството за животна средина информираше дека екстремните вредности биле  резултат на технички проблем на уредот.

Од податоците се гледа дека вчеравечер од 20 часот до 1 часот по полноќ имало надминување на прагот на штетни честички, два до трипати над дозволените граници.