Мерцедес удрил во 22 годишна девојка на бул. „Браќа Ѓиноски“ во Гостивар

Дваесет и двегодишна девојка се здобила со тешки телесни повреди, откако во неа удрил автомобил.

Според информациите од СВР Тетово, вчера (7 август) во 13 часот, било пријавено дека во Гостивар, на булеварот „Браќа Ѓиноски“, патничко моторно возило „Мерцедес“  управувано од 56 годишниот А.С. од тетовското село Порој удрило во Ф.И. од гостиварско Дебреше, која се здобила со тешки телесни повреди и првично била пренесена во гостиварската Општа болница за укажување на лекарска помош. Поради сериозноста на повредите, потоа биле префрлена на скопските клиники.

Увид извршила екипа од Полициската станица Гостивар и се работи на утврдување на причините за несреќата.