Месната индустрија најавува драстично поскапување на месото и месните производи

Месото и месните преработки драстично ќе поскапат по Велигден, ако Владата не го продолжи ослободувањето од царина за замрзнато свинско месо и не ја вклучи месната индустрија во шестиот пакет антикризни мерки за помош на стопанството, најави Групацијата за производство на месо и преработки од месо при Стопанската комора.

„Од овие фактори ќе зависи висината на цените, односно дали покачувањето ке биде 20%, 30% или 40%. Со цел ублажување на ваквиот пораст на најдобра можен начин за домашните потрошувачи, апелиравме Барањето за враќање на скратените количини од последната мерка на Владата за укинување на царинските давачки на замрзнато свинско месо наменето за преработка, кое домашната месна индустрија го достави пред повеке од еден месец, да се донесе што е можно поскоро. Зголемувањето на цените на месото на светскиот пазар се случи пред неколку месеци и тоа во значителен процент. И покрај светскиот тренд на пораст на цените на месото, домашните производители на месо и месни преработки се уште ги немаат корегирано цените за домашниот пазар. Но, ваквата состојба не може долго да се одржува, и најдоцна по Велигденските празници тие ке бидат принудени да ги покачат цените. Во случај на неприфаќање на барањето, односно неодобрување на количините, очекуваме неминовен ценовен шок кон домашните потрошувачи и драстично зголемување на цените на месните преработки, што истовремено ќе доведе до затворање на уште некој производен капацитет.“, соопштија од Групацијата.