Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 14/08/2019 | 15:21

Местото што Општина Гостивар лани „го светна“, пак е претворено во дива депонија

Несовесноста и ниската еколошка свест на поединци, за жал навистина можеме бескрајно да ја докажуваме со конкретни примери. Еден таков затекнавме во неделата (11 август) додека се упатувавме кон депонијата Русино, каде имаше избувнато пожар. Движејќи се по патот, од левата страна близу објектите на старата касарна, не` згрози глетка на планина од ѓубре. Создадена дива депонија на која е расфрлан секаков отпад, стар мебел, комунален смет, градежен шут. За смрдеата што се ширеше од ѓубрето изложено на пеколните температури, подобро да не зборуваме.

На истата таа локација ланското лето, Општина Гостивар заедно со гостиварските јавни претпријатија  спроведе акција за чистење. Беа собрани 30 камиони со смет и местото беше темелно исчистено.

После една година, глетката таму повторно е поразителна: нова дива депонија со купишта отпад. Очигледно е дека мора да се подигне нивото на еколошка свест и одговорност кон животната средина, но се чини дека е време и за казнување на оние кои загадуваат, инаку последиците можат да бидат катастрофални.

Напишете коментар