Метео аларм за невреме со пороен дожд, грмежи и силен ветер

Времето денеска (четврток) ќе биде променливо облачно и нестабилно со повремени локални врнежи од дожд и грмежи. Управата за хидрометеоролошки работи издаде метео предупредување во кое се нагласува дека наместа процесите ќе бидат поинтензивни во форма на невреме со пообилен пороен дожд, грмежи, силен ветер и услови за изолирана појава на град. Максималната температура во гостиварскиот регион ќе достигне 19 степени.

Според најавите од УХМР и утре ќе се задржи променливо облачно и нестабилно време со повремени врнежи од дожд и појава на грмежи. Локално ќе има поинтензивни процеси во форма на невреме со пообилен пороен дожд, грмежи, силен ветер и изолирана појава на град.