Мицкоски: ВМРО-ДПМНЕ нема да кандидира градоначалник, таму каде што Алијанса/Алтернатива ќе имаат кандидат и обратно

По официјализирањето на соработката за престојните локални избори меѓу опозициските ВМРО-ДПМНЕ и Алијанса за Албанците/Алтератива, лидерот на ВМРО-ДПМНЕ, Христијан Мицкоски денес изјави дека за одредени општини коалицирањето е договорено уште пред првиот круг.

„Соработката со Алијанса за Албанците и Алтернатива е историски чекор, и за ВМРО-ДПМНЕ, но и за Македонија. Направивме коалиција уште пред првиот круг на локалните избори во определени градови. Ќе се поддржуваме на ниво на кандидати за градоначалници. Договорено е таму каде што коалицијата Алтернатива/Алијанса ќе има кандидат за градоначалник, ВМРО-ДПМНЕ да не кандидира свој, и обратно, каде ќе има кандидат ВМРО-ДПМНЕ, Алинајса/Алтертанива да не кандидираат. Се разбира, тоа се однесува на тие општини каде таа соработка е договорена. Очекувам оваа коалиција да ги победи поделбите, безнадежноста, немањето визија и страгетија за Македонија, да покажеме дека Македонија има можности и со други политичари надвор од матрицата на СДСМ и ДУИ.“, изјави Мицкоски.