Милина! Домашен сок од јагоди

Јагодите се омилено овошје за многумина. Освен што се неверојатно вкусни, тие се и корисни за здравјето. Содржат големо количество витамин Ц и железо. 100 грама јагоди ја покриваат потребната дневна доза за витамин Ц. Влијаат и врз подобрување на менталното здравје, содржат антиоксиданси, кои помагаат против стареење.

Во продолжение рецепт за домашен сок од јагоди, кој се подготвува доста лесно, а е неодолив и делува освежително.

Состојки:

5 кг. јагоди

500 гр. шеќер

1 лимон

2 литри вода

Подготовка:

Измијте ги добро јагодите, исчистете ги и изблендирајте во блендер. Потоа ставете ги го  поголемо тенџере, додадете го шеќерот, сокот од лимон, водата и варете додека да зоврие.

Во загреани стаклени шишиња ставете го сокот додека се уште е топол. Затворете ги добро, па ставете ги во рерна да се стерилизираат околу 1 час на температура од 90 степени.