Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 07/02/2019 | 13:54

Министерство за труд: Во 2019 да дадеме шанса за сите оние кои имаат образование, а се без работа

Со Оперативниот план за вработување за 2019-та година, ќе се издвојат 1,1 милијарда денари за различни мерки за отворање на нови работни места.

„Врвен приоритет на Министерството за труд и на Владата е обезбедување нови работни места. Издвојуваме рекордни 1,1 милијарда денари и се фокусираме на преквалификација и доедукација. Во 2019 да дадеме шанса за сите оние кои имаат образование, а се без работа, да ги прилагодиме на фактичката состојба и да ги активираме на пазарот на трудот. Со Оперативниот план посебен акцент се става на младите невработени лица до 29 години како и на корисниците на гарантирана минимална помош. Меѓу другото, овозможуваме обуки за побарувани занимања и занаети, за дигитални вештини, а се продолжуваат програмите „Практиканство“,„Општинско-корисна работа“ и „Јавни работи“.“, соопшти Министерството за труд и социјална политика.

Од таму информираат дека Оперативниот план за вработување за 2018 година бил реализиран 95%.  Преку „Гаранција за млади“ се вработиле 1.839 лица, со програмата Самовработување, сопствен бизнис отвориле 1.191 лица, а во програмата „Практиканство“, се вклучиле 1.263 невработени лица до 34 годишна возраст.

Носител на Оперативниот план е Министерството за труд и социјална политика, а неговата имплементација е во надлежност на Агенцијата за вработување на Република Македонија, во партнерство со други институции.

 

Оставете коментар

Вашата Емаил адреса нема да биде објавена.Задолжителните полиња се означени *

*