Министерството за одбрана отвори оглас за прием на 125 професионални војници

АРМ во своите редови ќе прими нови 125 професионални војници. Министерството за одбрана вчера (13 ноември) објави јавен оглас за прием на новиот кадар на определено работно време со договор за вработување за три години со можност за продолжување повеќе пати, но најмногу до навршување на 45 години возраст, по што им работниот однос продолжува со преземање во органите на државната и локалната власт.

Во огласот е наведено дека кандидатите треба да ги исполнуваат општите услови: да се државјани на Република Северна Македонија; да се полнолетни и да имаат посебна здравствена и физичка способност. Како посебни услови се наведени: да имаат завршено средно образование; да имаат завршено доброволно служење на воениот рок и да не се постари од 25 години на денот на завршувањето на огласот за прием на професионални војници.

Работното време е од 8 до 16 часот, а платата изнесува од 22.059 денари до 25.574 денари.

Кандидатите ќе подлежат на тестови за проверка на физичката подготвеност согласно Правилникот за начинот на одржување и проверка на физичката способност на активниот воен персонал на служба во АРМ.

Јавниот оглас за прием на професионални војници трае 15 дена од денот на објавување. Сите детали може да ги видите на следниот  ЛИНК