Занимливости
Мирниот европски град во кој е „родена“ злогласната психоделична дрога
На 19 април 1943 година, одлучил лично на себе да ги тестира влијанијата. Зел 250 микрограми и тргнал дома со велосипед, а потоа започнал да се чувствува чудно …
Верувале или не, психоделичната дрога, поточно лисергичната диетиламична киселина, попозната како ЛСД-25, е „родена“ во Базел, Швајцарија.
Зад откритието се наоѓа швајцарскиот хемичар Алберт Хофман, кој во триесетите години од минатиот век бил вработен во фармацевтскиот и хемискиот оддел на лабораториите „Сандоз“ во Базел.
Алберт работел на синтеза на активни состојки од ергот печурки за можна употреба во фармацевтската индустрија. Тој ја извлекол и синтетизирал лисергичната киселина и случајно ги открил психоделичните својства на ЛСД, кога мала количина навлегла во неговата кожа.
На 19 април 1943 година, тој одлучи да ги тестира влијанијата врз себе. Зел 250 микрограми и како секој друг ден тргнал дома со велосипед, а потоа започнал да се чувствува чудно…
„Калеидоскопски, фантастични слики ми се прикажуваа, наизменично, разнобојни, отворајќи се и потоа затворајќи во кругови и спирали, експлодирајќи во обоени фонтани, движејќи се и хибридизирајќи во постојан проток. Секоја акустична перцепција, како звукот на вратата или автомобилите кои поминуваа, се претвораа во визуелна перцепција. Секој звук создаваше живописно менување на сликата, со своја конзистентна форма и боја”, напишал Хофман подоцна во својата книга „LSD – My Problem Child“.
Тој продолжил да ги истражува психоделичните ефекти и гласно се спротивставувал на класификацијата на ЛСД како недозволена дрога, пред да започне да се злоупотребува во 1960-тите. Имено, Хофман цврсто верувал во употребата на ЛСД во психоанализата, но на крај се согласил дека треба да се применува во контролирани услови.
Базел е трет по големина град во оваа европска земја. Сместен на брегот на Рајна и може да се пофали со најстариот универзитет во Швајцарија. Денес, мал е бројот на луѓе кои се присеќаваат како злогласната ЛСД за прв пат е создадена и тестирана во него.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk