Мислите дека имате добра лозинка? Проверете ја листата на најлоши лозинки

Кога станува збор за заштита на податоците, слабите лозинки се покажале како голем проблем.

Откако минатата зима се случила најголемата кражба на кориснички податоци, откривајќи 3,2 милијарди е-пошта и лозинки, IBM предупредува дека четири од пет инциденти се поврзани со слаби или украдени лозинки.

Соочени со хакерски грабежи, добро е да се промени начинот на кој се однесуваме кон безбедноста на интернет, но постојаното измислување и запомнување на нови лозинки може да биде многу заморно.

За тоа сведочи листата на најлошите лозинки од 2020 година, кои биле:

• 123456
• 123456789
• password
• 12345678
• 111111
• 123123
• 12345
• 1234567890

Силната лозинка, повторуваат експертите, треба да се состои од комбинација на букви и бројки, во никој случај не треба да биде иста за различни дестинации и во никој случај не треба да биде фраза што лесно се памети.

Исто така, лозинката мора да биде подолга од осум знаци и да се состои од специјални знаци, мали и големи букви и броеви.