Гостивар
Млади планинари успешно го претставија Гостивар и земјава во Турција
Младинската секција на Планинарското друштво ШАРИ од Гостивар изминатиот месец престојуваше во Кркларели, Турција, како дел од проектот Obestop на Erasmus Plus. Тимот составен од Окан, Онур, Јусуф, Бесарт, Бесат и Елмедина, успешно ги претставија Гостивар и Македонија пред останатите учесници од Италија, Шпанија, Унгарија, Србија и домаќините од Турција и се стекнаа со нови знаења, искуства и вештини.
„Младите планинари на друштвото ги споделија нивните искуства и знаења, доживувања од планинарењето и различните култури на нашата држава. Тие беа дел од работилници за исхрана и глобалниот проблем со Obecity (дебелина), каде се дискутираше и какво влијание има планинарењето кон истото. Им благодариме на сите што беа наши амбасадори, го развиорија државното знаме, знамето на Планинарската федерација, нашето друштво Шари и знамето на Младинска секција Дрим Тим“, информира планинарскиот водич, Исмет Шурбан.
Младите планинари учесници во проектот во Труција со голема возбуда зборуваат за искуството и доживувањата.
„Разговаравме и посочувавме примери за тоа што е дебелина, како да ја спречиме, дали е болест или одлука и слично. Проектот беше младинска размена и се организираа интеркултурни ноќи на кои секој ја претстави својата земја. Ние ги претставивме нашите убавини на Македонија, планини, езера, историски места и сл. Исто така, на крајот од презентацијата го претставивме нашиот планинарски тим и клуб. Разговаравме за планините што ги посетуваме, можностите што ги имаме и слично. На крајот од проектот се стекнавме со сертификати YouthPass. Можам да кажам дека јас и мојот тим, многу убаво си поминавме таму и станавме пријатели со луѓе од различни земји.“, вели Онур Бајрамоглу, еден од учесниците.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар