Младите хумани-Крводарителна акција во техничкото училиште во Гостивар

Младите од Гостивар хумано подадоа рака и се приклучија во денешната крводарителна акција, што се одржа во средното техничкото училиште. Средношколците даруваа од скапоцената течност мотивирани дека на тој начин спасуваат човечки животи.

Акцијата ја организираше општинската организација на гостиварскиот Црвени Крст и службата за трансфузиологија од општата болница, кои изразија задоволство од одзивот.  

„Овде сме во средното техничко училиште во Гостивар каде спроведуваме крводарителна акција. Учениците се покажаа како многу подготвени и хумани, што се гледа и од самиот тек на акцијата. Интересот да се вклучат навистина задоволува и е за поздравување. Сакам да ја искористам оваа прилика да упатам апел до сите луѓе кои се здрави, особено до младите да даруваат крв. Колку е тоа значајно кажува фактот дека со едно кесе крв, може да спасат три човечки животи.“, рече Џијана Алији, од службата за трансфузиологија

Во денешната крводарителна акција во Гостивар беа собрани 20-тина единици на крв.