Многу одел по кафеани, па сопругата му направила кафеана дома

Британка му нашла чаре на сопругот за честиот престој во кафеани, ем тој да си ја задржи навиката, ем таа да не се нервира што го нема дома.

Четириесет и осумгодишната Џејн Тапер, најпрво му забележувала на сопругот Пол, по професија инженер, што секојдневно после работата и за викенд, многу време поминувал во локалните пабови. После извесно време решила со „елегантен“ потег да го реши проблемот и на мажот му направила кафеана во дворот на нивната семејна куќа.

„Мојот сопруг често заседнуваше во локалните кафеанчиња, па често размислував што да направам за да го задржав повеќе време дома. Така, ми дојде убава идеја и направив кафеана во дворот. Кога сега ќе ме прашаат каде ми е сопругот, им велам – „во куќичката за кучиња“, низ шега кажува Џејн, која инаку е медицинска сестра и мајка на три деца.

Најголем трошок за пабот и’ биле дозволата и рамнењето на дворот што ја чинело околу 15.000 фунти. Градела рационално, па другите трошоци максимално ги редуцирала. Очекува во новоотворениот паб да имаат и гости, а во него ќе организираат и разни забави за роднини и пријатели.

Пабот во дворот ги усреќил и нивните деца, Том (30), Лорен (24) и Џек (26), кои рекле дека со задоволство ќе трошат пари за пијачки во свој локал, а ќе покануваат и  пријатели.