fbpx
Поврзи се со нас

Гостивар

Многу празни столчиња на состанокот на Кризниот штаб во Гостивар, институциите не доаѓаат

Објавено

на

Многу столчиња  остануваат празни во салата на Општина Гостивар, кадешто се одржува состанок на Кризниот штаб за состојбата со коронавирусот. Иако токму овој период, Гостивар е еден од најпогодените региони од заразата, голем дел од институциите неколку недели наназад не испраќаат свои претставници. Поради тоа не може да се добијат сите информаци, како на пример за контролите на лицата со решенија за изолација, контролите во угостителските објекти, почитувањето на мерките, за болничките капацитети за пациенти со ковид и друго.

Од локалната самоуправа апелираа институциите коишто се дел од Кризниот штаб посериозно да ја сфатат обврската и да доаѓаат на состаноците.

„Апелот е сите да дадат придонес во оваа борба со пандемијата. Сите институции кои се компетентни за некој дел од справувањето со состојбите, би требало да се присутни на состаноците за сите заедно да излеземе на крај со ситуацијата во која се наоѓа, не само Гостивар, туку и целата земја“, рече шефот на кабинетот на градоначалникот на Општина Гостивар, Валбон Лимани.

На почетокот на пандемијата, кога во Гостивар имаше само по неколку позитивни случаи, Кризниот штаб одржуваше состаноци по два пати неделно, а извештаи редовно даваа претставници на речиси сите институции. Собирањето потоа се редуцираше на еднаш неделно, со се помал број на учесници.

 

Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!