МО на Русија: Ослободувањето на Соледар е завршено

Министерството за одбрана на Русија денеска соопшти дека градот Соледар кој се наоѓа во регионот Доњецк, во источниот дел на Украина е под целосна нивна контрола.

„Вечерта на 12 јануари беше завршено ослободувањето на градот Соледар, што е важно за продолжување на успешните офанзивни операции“, соопшти Министерството за одбрана на Русија.

„Воспоставувањето контрола над Соледар овозможува да се пресечат патиштата за снабдување на украинските војници до Артемивск, а потоа да се блокираат и создаде „котел“ на преостанатите украински војници таму. Заземањето на Соледар стана можно поради постојаното огнено уништување на непријателот од авијација, ракетни сили и артилерија“, додаваат од Министерството за одбрана.

Иако до сега не се споменуваше многу во јавноста, градот Соледар се најде во центарот на вниманието поради големата борба меѓу руската паравоена група Вагнер и украинската армија за контрола на овој град. Според тамошните медиуми заземањето на Соледар е изведен со опколување на градот и во централното подрачје неофицијално се заробени околу 300 украински војници кои одбиле да се предадат.