Македонија
МОН го објави ценовникот: За оштетен или изгубен учебник од 26 до над 700 денари
Министерството за образование и наука го објави ценовникот за оштетени или изгубени учебници кои биле користени во учебната 2018/2019 година. Правилата налагаат децата да ги вратат неоштетени книгите што ги добиле во септември, а доколку се случи некој учебник да биде оштетен или изгубен, родителот треба да ја плати штетата.
Цените варираат од 29 се до над 700 денари, и се определени за секој учебник посебно. На пример: за учебник по техничко образование за 4-ти одделение цената е 26 денари, по музичко 36, по македонски јазик 117 денари, по албански јазик исто така за 4-то одделение 91 денари, математика – 336 денари. Поскапи се надоместоците за учебниците по природни науки за 5-то и 6-то одделение кој чини 581 денар, по француски јазик за 7-то одделение со цена од 677 денари, германски за 8-мо – 723 денари, историја за седмо одделение – 558 денари, историја прва година средно – 530 денари, по англиски јазик исто така за прва година – 575 денари.
Според Правилникот, ученикот по завршувањето на наставната година треба, најдоцна до крајот на месец јуни во тековната учебна година, да го врати комплетот на учебници неоштетен на одделенскиот, односно раководителот на паралелката. Одделенскиот раководител внесува податоци за родителите кои ги вратиле учебниците, податоци за вратените учебници (наслов на учебник, автор), состојба во која се вратени учебниците (употребливи, оштетени). Библиотекарот во електронската евиденција внесува податоци за учебниците кои се вратени за користење за наредните учебни години и за учебниците кои се оштетени и неупотребливи. За оштетениот учебник се издава уплатница на име на буџетски корисник која треба родителот да ја прикаже како доказ дека трансакцијата е извршена.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk