МОН им препорача на директорите да ги ослободат од обврски наставниците до 9 јануари

Министерството за образование и наука доставило препорака до училишните управи, деновите што следуваат по новогодишните празници да бидат неработни за наставниот кадар, а нивните работни обврски да започнат на 9 јануари.

„Оваа препорака е согласно Календарите за организација на учебната 2017/2018 година, за основните и средните училишта каде 2 саботи во првото полугодие и 2 саботи во второто полугодие се предвидени како работни денови. Исто така, оваа препорака е со цел да се почитува правото на вработените во училиштата на четириесет часовно работно време во петдневна работна недела, како и со цел да се намалат трошоците за загревање на училишните објекти“, стои во известувањето на Министерството.