Поврзи се со нас

Вести Гостивар

Морбили во Гостивар нема, но неопходна е внимателност поради епидемиите во близина

Во регионот на Гостивар состојбата со морбили-мали сипаници е мирна и нема регистрирани заболени лица. Сепак, лекарите потенцираат дека со оглед на епидемијата која владее во други градови и соседните земји кадешто граѓаните заминуваат на летни одмори, неопходна е внимателност и преземање на превентивни мерки.

„Актуелна епидемија има во Дебар, со повеќе од 20 случаи, што не тера да бидеме внимателни. Уште повеќе заради состојбата во Грција, Бугарија, Албанија, Косово… Пред се` епидемиолошките служби, но и другите делови на здравствениот систем, треба да бидат внимателни и сомнителните случаи да бидат ставени под засилен епидемиолошки надзор“, изјави примариус д-р Војислав Огњаноски од епидемиолшкото одделение во Гостивар.

Епидемиолозите потсетуваат дека морбилите се едно од најзаразните заболувања, а вакцината е најефикасниот начин на заштита. Вакцината против мали сипаници се прима на 13 месечна возраст, а ревакцината е на 6 години. Лекарите велат дека само лицата кои ги примиле двете дози се заштитени од морбили, а предупредуваат дека во изминатите години опфатот на децата со оваа вакцина е намален поради антивакциналните кампањи.

Последните случаи на мали сипаници во Гостивар се регистрирани во 2011 година кога имаше седум заболени.

Сподели:
Остави коментар

Напишете коментар

Advertisement
Advertisement
Advertisement
Advertisement

АНКЕТА

Дали сте задоволни од понудените мерки на Владата, за справување со економската криза?

Резултати од анкетата

Advertisement

Популарно изминативе 100 дена

error: Содржината е сопственост на Gostivarpess.mk!