Занимливости
Москва: Среде бел ден украдена вредна слика за време на изложба (видео)
Од Третјаковската галерија во Москва, за време на вчерашната изложба среде бел ден, била украдена вредна слика на рускиот сликар Архип Куинџи Иванович.
На снимката од видеонадзорот во Третјаковската галерија се гледа како крадецот пред очите на посетителите и на обезбедувањето ладнокрвно ѝ приоѓа на сликата, го вади платното од рамката и мирно заминува.
Очевидците велат дека изгледал како музејски работник поради што тоа не предизвикало никакво сомневање. Според расположливите податоци надвор го чекало бело теренско возило од странско производство со кое заминал. Како што подоцна самиот призна во полицијата, не се раководел од никакви причини на љубов кон уметноста, туку кривичното дело го направил од чисто користољубие. Според руското законодавство му се заканува затворска казна од десет години и парична казна од 500 илјади американски долари, што зависи од соработката со истражните органи, вели репортерот на телевизијата „Росија 24“, укажувајќи дека претходно ќе мора да одговори на прашањето дали грабежот го извршил по нарачка и дали имал соучесници.
Во брзата акција на руското Министерство за внатрешни работи и на Федералната служба за безбедност, за помалку од 24 часа од спектакуларната кражба среде бел ден, пред посетителите и обезбедувањето, во еден од најпознатите изложбени простори на светот, московската Третјаковска галерија, пронајдено е однесеното платно на познатиот руски сликар, пејзаж со исклучителна убавина „Ај Петри, Крим“ на Архип Куинџи, а крадецот е уапсен.
Како што беше соопштено, во селото Заречје во Подмосковје, уапсен е 31-годишен маж кој на органите на редот им е познат од претходно. Имено, во декември минатата година против него е покрената и кривична постапка за поседување наркотици, поради што има забрана за излез од земјата.
Според процените на руското Министерство за култура вредноста на сликата која се чува во Рускиот музеј во Санкт Петербург, а која во Третјаковската галерија беше изложена од есента на исклучително посетената гостинска изложба, изнесува дванаесет милиони рубли (околу 160 илјади евра), иако некои стручњаци оперираат со цифра од милион американски долари.
Извор: https://rbth.com/
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар