Можност за парични награди – Конкурс за „Иновативно претпријатие на годината“

Претпријатија кои успешно лансирале иновација во своето работење добиваат можност за парична награда, во рамки на конкурсот за избор на „Иновативно претпријатие на годината“, што го објави Фондацијата Претприемачки Сервис за Млади.

„Националниот конкурс „Иновативно претпријатие на годината“ е признание кое се доделува на иновативни македонски работење. Конкурсот има за цел да промовира успешни бизнис модели и достигнувања базирани на иновации и нови технологии од македонски компании во сите индустриски сектори. Овој конкурс ги препознава и наградува иновативните компании кои имаат развиено нови или значително подобрени производи, услуги и/или процеси во изминатите три години“, информираат организаторите.

Заинтересираните компании можат да аплицираат во три категории: старт-ап, мала и средна компанија, за сите индустриски сектори.

Наградниот фонд извесува вкупно 600.000 денари, а наградени ќе бидат три компании со по 200.000 денари, средства кои компанијата треба да ги искористи за унапредување на конкурентноста на иновацијата и интернационализација на бизнисот. Најдобрата компанија од секоја категорија ќе добие признание за успешност и ќе биде промовирана на првата манифестација „Иновативно претпријатие на годината“.  Краен рок за пријавување е 25 април.

Конкурсот и формите за апликација се достапни на
www.pretpriemac.mk/konkurs-inovativno-pretprijatie.

Конкурсот е финансиран од ЕУ.

Информативни денови ќе се одржат на 5 април во Штип, 10 април во Скопје и 12 април во Охрид.