fbpx
Поврзи се со нас

Гостивар

Мртовечките сандаци од гробиштата во Гостивар завршија на Русино, случајот се истражува

Објавено

на

Фрлени мртовечки сандаци на Русино, ги растревожија и вознемирија гостиварци. Сандаците завршија на депонијата вчера, по што на социјалните мрежи во групата „Стоп Русино“ беа објавени фотографии и видео. Во јавноста се отворија прашања, од каде ковчезите се нашле на Русино, кој и зошто ги фрлил. Дополнителна паника создаде фактот што сандаците се со лимен дел, какви според протокол се користат за погребување на починати од ковид. Со метални ковчези, се пренесуваат и мртовци од странство.

Полицијата истражува, и за сега нема конкретни одговори околу случајот.

Од јавното претпријатие Комуналец велат дека сандаците вчера наутро ги собрале од дива депонија кај гробиштата во населбата Млаки. Тоа го направиле по реакција на граѓани. Да потсетиме дека Gostivarpress.mk во неделата објави фотографии од сандаците на гробиштата.

„Нашите ингеренции како претпријатие се одржување на гробиштата и обезбедување на гробно место, други надлежности немаме. Услугите за погребување ги прави економски оператор, што е ангажиран. За овој случај, по реакции на граѓани дека неколку сандаци се фрлени на гробиштата, вчера се организиравме, ги собравме и ги однесовме на Русино, каде што им е местото.“, изјави Исак Лазами, директор на ЈП „Комуналец“ – Гостивар.

Од ИВЗ соопштија дека починатите од ковид се погребуваат според протоколи и тоа се почитува. Ковчезите не се отвораат и сите религиозни обреди се извршуваат откако сандаците ќе бидат веќе спуштени во земјата.

Директорот на Комуналец вели дека погребувањето на мртвите со корона е под надзор на надлежни комисии.

„Има протоколи, како треба да се одвива погреб на починат од ковид. И надлежните институции тоа го контролираат од почеток, до крај“, рече Лазами.

Од СВР Тетово соопштија дека преземаат мерки за откривање-кој и зошто ги оставил сандаците. Ќе се утврдува дали постојат основи на сомнение за сторени кривични дела, односно дали има елементи на непостапување по прописи во време на епидемија или на ширење на заразна болест.

Полициските службеници кои вчера биле испратени по сознанија за фрлени мртовечки сандаци, не нашле сандаци, ни друга погребална опрема на посочените места.

Екипата на Gostivarpress.mk денес на Русино ги фотографираше ковчезите. Некои веќе до половина затрупани со земја, некои искршени на делови.

Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement
Advertisement

ОГЛАСИ ЗА РАБОТА:

Advertisement

АНКЕТА:

ДАЛИ БИ СЕ ВАКЦИНИРАЛЕ ПРОТИВ COVID-19?

Гостиварпред 4 недели

Поставена спомен плоча во чест на полицаецот Ѓурчиновски кој загина во несреќа на патот Гостивар-Тетово

Гостиварпред 2 недели

Детали од банкомат кражбата во Гостивар: Го исклучиле алармот, користеле хебли и брусилици…

Гостиварпред 4 недели

Проституцијата цвета, во Гостивар над 270 девојки и жени даваат сексуални услуги

Гостиварпред 3 недели

Инфектологот Наумоски од Гостивар за личната борба со ковид: Болеста ја погодува психата, поддршката од блиските и околината е најважна

Гостиварпред 2 недели

(ВИДЕО) Локал крај патот Тетово-Гостивар полн со танчерки и гости, најден е и пиштол

Гостиварпред 1 недела

Државата ќе дава пари за купување ПВЦ прозорци, печки на пелети, сончеви колектори…

Гостиварпред 2 недели

Водата од градскиот водовод во Гостивар забранета за пиење поради заматеност

Гостиварпред 4 недели

Фото вест: Гостиварец си го паркирал џипот на плоштад меѓу новогодишните украси…

Популарно изминативе 100 дена

error: Содржината е сопственост на Gostivarpess.mk!