МТСП: 60% од вработените во градинките вакцинирани, апел до останатите да примат вакцини

Министерството за труд и социјална политика ги повика сите вработени во детските градинки кои не се вакцинирани против коронавирус да пристапат кон процесот на имунизација, со цел, како што наведуваат непречено одвивање на воспитно образовниот процес за време на пандемијата.

„Како ресорно Министерство упатуваме на општествена одговорност на сите вклучени во процесот на воспитување и образование на децата од предучилишна возраст, имунизацијата да продолжи со несмалено темпо во текот на целиот летен период. Истовремено информираме дека досега се вакцинирани речиси 60 проценти од вработените во градинките во државава и воедно апелираме и останатите 40 проценти на воспитувачи, негуватели и технички персонал да се вакцинираат за да може да биде обезбеден безгрижен престој на децата. Само така градинките по завршувањето на летниот период ќе можат да работат со полн капацитет.“, соопштија од МТСП.