Муабетеле на мобилен додека возеле, по 40 евра казни за над 80 возачи во Гостивар

Во изминатите девет месеци од оваа година полициските службеници на изрекле 82 мерки во Гостивар за зборување на мобилен телефон при управување моторно возило. Во Тетово биле изречени 350 мерки за истиот прекршок. На возачите-прекршители изготвени им се соодветни поднесоци и тие ќе се соочат со парични глоби кои за овој вид прекршок, согласно Законот за безбедност на сообраќајот на патиштата, изнесува 40 евра во денарска противвредност.

„Секторот за внатрешни работи продолжува со континуирани активности за брзо и ефикасно откривање и санкционирање на ваквите прекршоци и повторно апелира до возачите да се воздржат од користење мобилни телефони додека возат, најчесто за зборување или пишување пораки. Зашто, користењето на телефоните непосредно влијае на концентрација и вниманието на возачите и ја доведува во ризик нивната и безбедноста на другите учесници во сообраќајот. Ова, посебно ако се движат со поголема брзина и при поголема фрекфренција од возила и пешаци.“, наведува полицијата.

Секторот за внатрешни работи Тетово со совет, исто така, возачите да бидат максимално внимателни и да ја прилагодат брзината според условите на патот, дотолку повеќе што претстојат влажни и постудени денови.