„Мува не ги лази“ – вчера во Гостивар казнети десетина возачи за пребрзо возење

Брзото возење останува еден од најчестите прекршоци кои полицијата ги евидентира на гостиварското подрачје. И покрај засилените контролни активности, апелите и предупредувањата од надлежните, голем дел од возачите возат со брзина над дозволените граници.

Во вчерашната контрола во Гостивар биле откриени 20, додека во Тетово 51 сообраќаен прекршок. Најмногу од гостиварските прекршоци биле возење се неприлагодена брзина според условите на патот, односно пребрзо возење, а регистрирани се и три прекршоци за непрописно паркирање.

Најголем број прекршоци на тетовското подрачје се однесувале на погрешно паркирање, по што следуваат управување возила без возачка дозвола, со истечена регистрација, технички неисправни возила и друго.

„Сите прекршоци заокружени се со  35 прекршочни и 36 мандатни платни налози, како и со две писмени опомени. Засилени контролни активности планирани се и во наредниот период, во рамките на кои посебно внимание ќе им биде посветено на брзината, техничката исправност на возилата и управувањето без положен возачки испит.“, соопшти СВР Тетово.