Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 31/07/2019 | 09:45

Музичките теми од Џемс Бонд, Пиратите од Карибите, Мирисот на жената, на концерт во Гостивар

Во гостиварскиот Центар за култура АСНОМ во четврток навечер, концерт ќе одржи гудачкиот квартет на виолинистката Пламенка Трајковска. Концертот носи наслов Музика и филм. Пред гостиварци ќе бидат изведени познати музички теми од популарни филмски остварувања како Пиратите од Карибите, Џемс Бонд, Шиндлеровата листа, Мирисот на жената и други.

Сите композиции ќе бидат илустрирани со музички клипови од филмовите, кои дополнително визуелно ќе ја поткрепуваат музичката креација.

Во гудачкиот квартет покрај Пламенка Трајковска ќе настапат и Наташа Диденко на виолина, Љубица Бошкоска на виола и Маја Михајловска на виолончело.

Концертот се реализира по повод одбележувањето на Илинден и е поддржан од Министерството за култура. Почетокот е закажан во 20 часот.

Напишете коментар