Поврзи се со нас

Вести Гостивар

МВР со апел до учесниците во сообраќајот за поголема внимателност во летниот период

Секторот за внатрешни работи Тетово најавува засилено полициското присуство и сообраќајно-контролни активности во полошкиот регион, посебно во Тетово и Гостивар, поради зголемениот број возила.

„Со цел непречено и безбедно одвивање на сообраќајот на тетовските и гостиварските улици, но и на регионалните и локалните патишта, се апелира до сите возачи доследно да ги почитуваат сообраќајните знаци и пред се оние кои ја регулираат дозволената брзина, првенство на минување или движењето на пешаците и нивно преминување на улиците.

На возачите, исто така, им се укажува да ги паркираат возилата само и единствено на наменски определените места, а не и на тротоари, во зеленило или пред крстосници, за да не го попречуваат движењето на другите учесници во сообраќајот, особено во централните градски подрачја.

Секторот за внатрешни работи Тетово им советува на возачите целосно да се придржуваат на наредбите на полициските службеници задолжени за регулирање на сообраќајот во таканаречните „шпицеви“, за да се избегнат мешаници на крстосниците и на најфрекфрентните улици.

Полициските службеници на Секторот за внатрешни работи Тетово законски ќе го санкционираат секој прекршок во функција на максимална сообраќајна безбедност на сите учесници“.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!