МЗ на Долно Јеловце реагира дека се градат дивоградби во атар на селото

До редакцијата на Gostivarpress.mk преку соопштение, се обрати месната заедница на село Долно Јеловце во кое реагираат за узурпација на земјиште и бесправно започнати градби на објекти во атар на селото.

Јеловчани сакаат да ја запознаат јавноста со случајот и потенцираат дека ќе настојуваат да го заштитат зелениот појас во атарот на селото.

„Веќе за еден објект доставивме пријава до МВР ПС Гостивар и до Општина Гостивар (целосната документаицја ви ја испраќаме во прилог) за бесправно поставени, бетонирани темели за објект во атарот на селото покрај регионалниот пат кој води до него, институците излегоа на терен и констатираа дивограба. По составениот записник од извршен увид на лице место поднесена е соодветна пријава до јавното обвинителство ОЈО Гостивар. Сакаме да ја информираме јавноста дека месната заедница на с.Долно Јеловце заедно со националниот парк “Шар Планина” има обврска да ги заштитува природните богатства кои ни се оставени во аманет од нашите предци интересите на селото и сопствениците на имот, шуми и пасишта. И во иднина за секоја незаконска постапка, ќе ги информираме надлежните институции, се со цел да се заштити природата во околината на Гостивар и нашето село“, се вели во соопштението.