МЗ: Во моментов не знаеме кога повторно ќе има фудбал во Македонија

Фудбалската федерација на Македонија официјално доби одговор од Министерството за здравство од каде побара мислење за тоа кога би можело фудбалерите да се вратат на теренот и евентуално доигра фудбалското првенство, при што доби неодреден одговор.

„Министерството за здравство известува дека по однос барањаето на Фудбалската федерација на Македонија имајќи ја во предвид епидемиолошката состојба во државата, во моментов не сме во можност да дадеме временска рамка за тоа кога би можело да се изврши доигрување на првенството 2019/2020. При тоа би сакале да ви обрнеме внимание дека во секоја земја има различен пристап во справувањето со коронавирусот, различен почеток на епидемијата, различен момент на утврдување, како и различни прогнози“, се вели во одговорот на Министерството.

Од ФФМ велат дека одлуката за почеток на одигрување на натпреварите ќе биде донесена согласно препораките од надлежните државни тела.