МЗШВ: До 180 илјади денари неповратни средства за жени претприемачи од руралните средини

На последната 136 седница на Владата беше изгласана измената на начинот за остварување на правото за користење на мерката 115 – „Поддршка за активен женски член во земјоделско домаќинство“, која е дел од Националната програма за развој на земјоделството и рурален развој за период од 2018-2022 година.

Со оваа измена како што појаснуваат од Министерството за земјоделство, шумарство и водостопанство, ќе се овозможи поддршка за активен женски член во земјоделското домаќинства. Конкретно, преку неа МЗШВ ќе доделува до 180 илјади денари еднократна и наповратна финансиска поддршка за инвестиции што ќе придонесат за развој на руралните средини на женски член на земјоделско стопанство запишано во ЕРЗС.