МЗТ Скопје поведе со 1-0 против КК Гостивар

МЗТ Скопје поведе во полуфиналето против КК Гостивар, на домашен терен славеше со 87:68, по четвртини (20:22, 24:18, 27:14, 16:14).

Избраниците на Ѓорѓи Кочов одиграа одличен меч, по класичната резултатска нишалка во првото полувреме кое заврши со предност од 4 поени за домаќините. Во третата четвртина МЗТ си обезбеди предност која во еден период изнесуваше и 18 поени, што беше доволна разлика искусниот тим на домаќинот рутински да го заврши натпреварот и обезбедат предност од 1:0.

Предраг Самарџиски беше најдобар во победата на МЗТ Скопје, постигна 16 поени и 7 скока, Младеноски запиша 12, Вудард и Медфорд постигнаа по 10. Кај КК Гостивар Ефианаи со 15 поени беше најефикасен, Тасоски и Сегариќ постигнаа по 10, Костоски и Димчевски по 9 поени.

Ова е само прв натпревар од полуфиналната серија која се игра до три победи. Веќе во вторник КК Гостивар ќе има можност за ревенаш на домашен терен во Младост.