На бившата сопруга треба да и плати оштета од 150 илјади евра за чистењето, готвењето…

Аргентинец треба да ѝ плати оштета од над 150 илјади евра на бившата сопруга за сите домаќински работи, што ги извршувала во период од 27 години, додека биле во брак. Парот официјално се развел во 2011-та година, а пресудата била донесена годинава.

„По 27 години брак, сопругот ја напуштил својата жена кога имала 60 години, па таа остана без средства за егзистенција бидејќи цел живот била исклучена од пазарот на трудот“, се наведува во пресудата.

Жена по професија била дипломиран економист, но никогаш не работела, бидејќи се посветила на семејството, воспитување на децата и работите во домот.

„Економската зависност на една жена од сопругот е еден од механизмите со кои жените се држат во угнетувачка положба во општеството. Станува збор за разумна сума, што треба да создаде економска рамнотежа меѓу поранешните сопружници,“ образложи судијата Викторија Фама.