На Димитар од Гостивар му е неопходна нашата помош-Да донираме!

Дваесетгодишниот Димитар Дојчинов од Гостивар се соочува со сериозен здравствен проблем и потребна му е помош и поддршка во борбата за подобро здравје. Димитар боледува од ретка болест, прогресивна мускулна дистрофија – Бекер (BMD) која предизвикува изумирање на мускулните влакна, мускулна слабост и атрофија, се до комплетна парализа. Лекувањето на оваа тешка болест може да се изведе во медицински центар за матични клетки во Пекинг, Кина. Но, двонеделниот третман за операција, имплантација на матични клетки, физиотерапија, медицински услуги, сместување без останати трошоци (превоз, храна итн.) чини 18.000 долари, сума којашто Димитар и неговото семејство не можат да ја подмират сами.

Со надеж дека гостиварци ќе го отворат своето срце и им излезат во пресрет да му помогнат на еден млад сограѓанин, семејството и пријателите испраќаат апел за донирање средства. Пари може да се донираат со повик на телефонските броеви: 143-106 за Т-мобиле и 143-483 за ВИП корисници. Средства може да се уплатат и на жиро сметка: 240347107547554  Уни банка.