На две кола пред крајот, КК Гостивар сè уште без обезбеден опстанок – денес против Тиквеш

Кошаркарскиот клуб Гостивар се наоѓа во сериозна борба за опстанок во Првата македонска кошаркарска лига во сезоната 2024/2025. На само две кола пред завршувањето на плејаутот, гостиварци сè уште „висат“ без обезбеден опстанок и денешниот натпревар може да биде решавачки.

По поразот од Шкупи со 82-78, во минатото коло за тимот на Гостивар денешниот натпревар против Тиквеш претставува императив за победа. Гостите од Кавадарци веќе го обезбедија својот прволигашки статус и ќе настапат без притисок, додека гостиварци мораат да слават за да ги задржат шансите за опстанок. Во првиот меѓусебен дуел од плејаутот, Тиквеш беше поуспешен и славеше со убедливи 96-74, но тимот на Гостивар денеска ќе има дополнителен мотив пред домашната публика.

Натпреварот се игра во салата „Младост“ во Гостивар со почеток во 18:00 часот. Поддршката на кошаркарите им е поважна од кога било.

Во последното коло, КК Гостивар му гостува на КК Вардар, a денес од 17 часот, директните конкуренти Шкупи и Вардар играат меѓусебен натпревар, чиj резултат исто така ќе влијаe врз конечниот распоред на табелата.