На гостиварско подрачје +13 новозаразени со корона и 2 починати позитивни на вирусот

Гостиварскиот регион и во денешната статистика за коронавирус е опфатен со новозаболени лица. Вирусот продолжува да се шири, а бројката на заболени секојдневно бележи пораст. Според податоците од Министертсвото за здравство на гостиварското подрачје изминатите 24 часа регистрирани се вкупно 13 нови случаи. Според податоците од гостиварските медицински служби, 8 се од Општина Гостивар, додека 3 од Општина Врапчиште. Информација за жителството на останатите 2 пациенти ќе биде позната дополнително.

Министерство за здравство во денешниот извештај регистрира и две починати лица позитивни на корона, од регионот на Гостивар.

Бројката на активно болни на подрачјето сега се движи околу 170, од кои најголемиот дел се од Општина Гостивар.

Последниот период, особено зголемување на заразени со коронавирус се евидентира во Гостивар, каде тридневниот биланс е над 25 нови случаи.

Во собите на инфективното одделение во гостиварската болница, деновиве беа додадени дополнителни кревети, а во подготовка е и мобилна амбуланта која ќе служи за тријажа на пациентите, односно нивно распределување за натамошен третман. Се очекува Кризниот штаб, кој поради изборите беше на пауза, час поскоро да одржи состанок и да донесе нови заклучоци и препораки со оглед на новонастанатата ситуација.

На државно ниво последното деноноќие направени се 830 тестирања, а регистрирани се вкупно 94 нови случаи на ковид. Најмногу од нив, 49 во регионот на Скопје. Свети Николе е со 9, Штип со 8 нови пациенти, а Тетово со 6. Заболени има и во Куманово, Прилеп, Кочани, Кичево и Струга.

Институтот за јавно здравје регистрира 42 оздравени лица.

До сега во земјата се направени вкупно 81.604 тестирања на ковид.  Вкупната бројка на дијагностицирани од почетокот на епидемијата изнесува 8.623, оздравени се е 4.603 лица, а починале 401. Во моментов во Македонија има 3.619 активни случаи.