На граничните премини Богородица и Табановце за излез се чека околу половина час

Интензитетот на сообраќај на патните правци надвор од градските средини е зголемен, бележи во последното соопштение Автомото Сојузот на Македонија. Од таму известија дека на граничниот премин Богородица за излез од државата, времето на чекање е од 15 до 30 минути, додека на граничниот премин Табановце околу 30 – 45 минути. На останатите гранични премини, од македонска страна, нема подолги задржувања за влез и излез од државата.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.