На граница пронајдени 100.000 франци кај шофер на гостиварски автобус

При контрола на автобус на гостиварски превозник, пријавен за излез на ГП Деве Баир, царински инспектори од Одделението за оперативни работи привремено задржале 100.000 швајцарски франци.

„На ГП Деве Баир за излез се пријавил автобус со гостиварски регистарски ознаки на превозник од Гостивар, управуван од лицето Х.О државјанин на Р.Турција, кој сообраќа на редовна линија Гостивар – Истанбул. При извршена детална контрола и личен претрес на возачот во внатрешниот џеб на панталоните му биле пронајдени непријавени 2 пакувања обвиткани со црн најлон и селотејп трака во кои се наоѓале 100.000 швајцарски франци.“, соопшти Царинската Управа.

Против лицето ќе биде поднесено барање за поведување на прекршочна постапка до Основниод суд Во Крива Паланка.