Гостивар
На инфективно во Гостивар 4 ковид пациенти, расте бројот на новозаразени!
По мирниот период во однос на состојбата со коронавирусот на гостиварското подрачје, повторно се бележи зголемување на бројката на новозаразени, меѓу кои има и пациенти што се хоспитализираат.
На инфективното одделение во Гостивар моментално се згрижени четири заболени со ковид.
„Од вкупно 11 пациенти кои се лекуваат на инфективното одделение, четири се со ковид. Може да кажам дека се во релативно добра состојба, имаат полесна клиничка слика, како бронхит и бронхопневмонија. Останатите пациенти се со гастроинтестинални заболувања, значи дијареа и повраќање, нешто што е вообичаено за овој период од годината. Последно време зголемен е бројот на позитивни на коронавирус, од кои повеќето поминуваат со лесна клиничка слика.“, информира раководителот на инфективното одделение, д-р Ратко Наумоски.
За разлика од претходните напливи на ковид, граѓаните сега поретко се обраќаат за лекарска помош, купуваат брзи тестови од аптеките, сами се тестираат и често земаат терапија на своја рака. Она што медицинските лица го гледаат како ризик е што овие пациенти не влегуваат во системот, не се изолираат и го шират вирусот.
„Како лекар сметам дека тоа не е добро, бидејќи не се пријавуваат никаде, се лечат дома или ќе се јават на телефон кај некој свој доктор и бараат терапија. Тие што се тестирале дома и излегле позитивни треба да се обратат кај нас, да ги воведеме во системот, да влезат во изолација, инаку шетаат одат по кафулиња, слаткарници, чајџилници, а тие се извор на зараза. Поминавме многу тешки моменти со коронавирусот, а сега како да е уште потешко заради оваа несовсност, како луѓето да не сакаат да сфатат дека се уште короната ја има.“, вели д-р Наумоски.
Според последните податоци од Институтот за јавно здравје во регионот на Гостивар изминатите седум дена потврдени се 36 нови позитивни на коронавирус.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар