На инфективно во Гостивар голем број пациенти со повраќање, пролив, температура

Голем број граѓани изминатите две недели се лекувале на Инфективното одделение во гостиварската болница со стомачни тегоби со слични симптоми: проливи, повраќање, висока температура и стомачни болки. Лекарска помош дневно барале повеќе од 100 граѓани.

„Последниве две недели кај нас е евидентен зголемен број на пациенти кои имаа слична клиничка слика и симптоми на повраќање, пролив, малаксалост и зголемена температура. Од крвните анализи кај повеќето добиваме резултатите дека станува збор за бактериска инфекција. Денес состојбата е помирна и бројот на пациенти е намален, но сепак имаме зголемен обем на работа“, вели д-р Ратко Наумоски, инфектолог.

Состојбата била пријавена и во гостиварското одделение на Центарот за јавно здравје.

„Ние сме во тек и ги анализраме состојбите со ентероколитите во гостиварскиот регион. Вонредно правиме анализа на примероци од водата за пиење од градскиот водовод, но засега не се покажува микро-билошко загадување. Официјалните резултати од мострите земени во вторникот ги очекуваме утре. Хлорирањето на водата е редовно и претходните анализи, извршени на 17 октомври беа добри“, вели д-р Берун Мустафа, специјалист по хигиена од Центарот за јавно здравје.

Според лекарите поголемиот дел од пациентите по добиената терапија се чувствувале подобро и продолжиле со лекување во домашн услови. Засега немало пациент со компликации.